Villablinu acueye la presentación de "Onde viven los amigos"

El pasáu sábadu 22 d’outubre, na Casa la Cultura de Villablinu (Llión), Roberto González-Quevedo presentóu Onde viven los amigos, un llibru de rellatos escritu n’asturllionés occidental y editáu por Publicaciones Ámbitu. La obra sigue en tonu y emoción la llinia abierta pola súa publicación anterior, El Sil que baxaba de la nieve. Onde viven los amigos contién tres rellatos que coinciden con la infancia, la mocedá y la madurez, y onde se conxugan la fantasía, la sicoloxía, el territoriu y el mundu llíricu que pal autor ñaz na súa tierra natal: Palacios del Sil (Llión).

Roberto González-Quevedo, amás de bien de títulos de carácter antropolóxicu, filosóficu o filolóxicu, tien publicadas dalgunas de las principales obras narrativas y poéticas de la Primer Promoción del Surdimientu. En 1981 consiguíu’l "Premiu de Narraciones Curties de la Diputación d’Asturies" –antecesor del "Xosefa Xovellanos"– con el sou rellatu "Pul sendeiru la nueite". L’escritor ye miembru de númeru de l’Academia de la Llingua y ocupa houguaño’l cargu de secretariu, amás de ser director de la revista Cultures, editada pola Academia y dedicada a temas antropolóxicos y etnográficos.

Tódolos números de "Xeitu" arrecadaos na páxina de Faceira

L'asociación cultural  llionesa Faceira pon a disposición de todos los seis números de la fueya divulgativa Xeitu que, entre los años 1996 y 1999,  sacara a la lluz l'asociación Facendera pola llengua. Xeitu foi la primeira publicación feita en tierras llionesas enteiramente n'asturllionés y señalóu el comienzu d'un tiempu ñuevu na reivindicación d'esta llengua.

Xeitu

Xeitu

Dous estudios sobre toponimia mayor de la nuesa provincia

RIESCO CHUECA, Pascual (2009): “Medio natural y poblamiento en la toponimia mayor de Zamora” in Anuario del Instituto de Estudios Zamoranos Florián de Ocampo, 17, 2000, págs. 449-500.


RIESCO CHUECA, Pascual (2008): “Nuevas conjeturas de toponimia zamorana” in Anuario del Instituto de Estudios Zamoranos Florián de Ocampo, 25, 2008, págs. 359-436.


(de tierra alantre, la mesma fala)

Reeditan ‘El dialecto vulgar leonés hablado en Maragatería’

Noticia aparecida en el Diario de León (26/09/2011)

102 años después de que los talleres de I. López, en la entonces llamada Rúa Antigua de Astorga, números 5 y 7, sacara a la luz El dialecto vulgar leonés hablado en Maragatería y Tierra de Astorga; una empresa vallisoletana acaba de reeditar, en formato facsímil, esta joya de la filología leonesa que fue obra del aficionado a la lingüística Santiago Alonso Garrote pero que ha vivido un poco a la sombra del más popular Cuentos en dialecto leonés de Cayetano Á. Bardón, aparecido dos años antes (...)

El dialectu senabrés nas Xornadas Internacionales d'Estudiu

Nel mes de noviembre y a lo llargo de tres días, la facultá de Filosofía y Lletras de la universidá d'Uviéu acoyerá la trentésima edición de las Xornadas Internacionales d'Estudiu organizadas pola Academia de la Llingua Asturiana y el Gobiernu del Principáu. 

D'entre las ponencias, destacamos la qu'impartirá Xuan Xosé Lajo titulada La formación y emplegu de los antropónimos en Senabria: nomes oficiales, oficiosos y nomatos que será'l xueves 10 a las 17:30 h.

Die de la lhéngua mirandesa

L die de la lhéngua mirandesa que se assinala sábado, quedará marcado cula apersentaçon nacional dua obra de fiçon publicada, an simultáneo, an pertués i an mirandés, de l'outoria de l scritor i ambestigador Amadeu Ferreira.
L'obra belingue antitula-se, an pertués, “Tempo de Fogo” i, an mirandés, “La Bouba de La Tenerie”, i l'outor outeliza l pseudónimo Francisco Niebro pa la publicaçon.

“Jornal Metro, de la grande Lisboua, 13 Setembre 2011”

http://frolesmirandesas.blogspot.com/2011/09/die-de-la-lhengua-mirandesa.html

Mentiras contra la llengua

Artículu estrayíu de llengüesvives

María Cueto-Iván Cuevas

Falábamos vai unos meses de cómo la conculcación de los dreitos llingüísticos de los falantes d’asturllionés nun aparaba en tiempu d’elecciones. De la que se rondan los habituales primeiros cien días de gobiernu, parez que yá ye hora de reflexionar sobre cómo quedóu la cuestión llingüística despuéis del 22 de mayo. Y el panorama, a dicir verdá, nun parez más fácil agora de lo que pintaba primeiro de los comicios.

Dos feitos especialmente graves marconen estos días. El primeiru foi la retirada d’una moción municipal de Pablo Pérez, representante de Conceyu Abiertu por Noreña, por estar escrita n’asturiano. El segundu, l’anuncia del conceyal de cultura llionesa de Llión, Juan Pablo García, de que se vai retirar tola documentación billingüe realizada pol anterior gobiernu. Los dous casos, quiciabes en parte por producise nos meses de branu, tuvionen una respuesta tímida de los movimientos de reivindicación llingüística (mayor, onque con un aquel protocolariu, nel casu de Noreña). Con todo y con esto, nun ye pa cayer embaxo qu’estos dous ñuevos ataques representan lo pior del argumentariu actual contra las llenguas minorizadas.

Puede que’l casu llionés seya’l más representativu, al usar una vez más l’argumentu de la crisis pa xustificar la falta d’apoyos a la llengua. Na súa comparecencia, García definióu como “inviable económicamente” la documentación billingüe, nun discursu demagóxicu que non solo obvia que la normalización llingüística significa en tolas alministraciones partidas presupuestarias menores, senón que entra no absurdo a la de presentar como un aforru la substitución d’una documentación billingüe yá feita por una monollingüe dafeitu ñueva. Si bien el modelo llingüísticu de la documentación del conceyu nun yera’l más axeitáu, y la capital, castellanizada dende vai sieglos, nun parez lo meyor pa entamar col usu del llionés, un ataque tan enllenu de falsedá merez una respuesta de las organizaciones de reivindicación llingüística que lu desmonte, máxime cuando argumentos asemeyaos (tanto o más trapaceiros) se repiten n’outros territorios.

Y se en Llión se tapa l’odiu a la llengua col argumentu económicu, el más queríu nesti tiempu, en Noreña podemos ver la outra sida más habitual, la lexislativa. L’alcalde, César Movilla, declaraba que nun tenía nada en contra del asturiano, pero qu'estaba obligáu estaba obligáu polas ordenanzas municipales . Sin entrar a valorar que’l propiu plenu onde se refugaba la moción tuvo que forzalu la oposición colas lleis na manu, Movilla obviaba (o ocultaba conscientemente) la existencia d’una norma de rangu superior, la Llei d’Usu, que non solo permite senón qu’obliga al conceyu a aceptar la moción. Una normativa qu’hai que facer valer p’acabar, d’una vez pa siempre, colas escusas reaccionarias.

Sí qu’así, nun fonen todo noticias malas pa la llengua. N’Asturias dase una continuidá de Política Llingüística como una Dirección Xeneral y el ñuevu conseyeru de Cultura, Emilio Marcos Vallaure, da respuesta n’asturllionés a un escritu solicitando documentación billingüe. Pero, na llinia de lo anterior, los dreitos llingüísticos nun pueden estar condicionaos pola sensibilidá personal d’aquellos que estean nel poder. Ye cada día más necesariu un marcu políticu y llegal fuerte que defienda los falantes d’asturllionés de los ataques que, abierta o tapadamente, tenemos que soportar los qu’usamos esta llengua entre Asturias y Miranda.