domingo, 25 de enero de 2009

Falláu el II Certame Lliterariu de La Caleya

Jonatan Rodríguez (izquierda) y Emilio Gancedo (dreicha), ganadores del certame,
xunta Enrique Soto, Teniente Alcalde d'Estorga. Foto: Diario de León.

El pasáu 24 de xaneiru fízose públicu el fallu del "II Certame Lliterariu La Caleya 2008 Reinu de Llión", convocáu pola asociación La Caleya y l'ayuntamientu d'Estorga. Na categoría de rellatos recibíu el primer premiu Jonatan Rodríguez pola obra El castigu de San Juanicu y na de poesía foi pa Milio Gancedo pol poemariu tituláu Un país de vinu y lleiche.

Veliquí la llista compreta de las obras y concursantes galardonaos:


RELLATU


1. El castigu de San Juanicu
de Jonatan Rodríguez.

2. El prigueirín de Florentino Carbajo.

3. Lluna de Miguel Gelado.

4. García de León de Jesús Ángel González.

    Los maquis de Jose Antonio Falagán.

    Una sala ensin ventanes d'Abel Martínez.

    Déjà vu de Nicolás Bartolomé.

    San Juan de María José Zurrón.



POESÍA


  1. Un país de vinu y lleiche d'Emilio Gancedo.

  2. Las palabras del monte de Rubén García.

  3. Lu que m'avera de ti de Rosario Martínez.

  4. Milenta orvallos d'Álvaro Pérez.


Hai que recordar que Milio Gancedo, Rosario Martínez y María José Zurrón repiten ésitu, pues yá foron premiaos na anterior convocatoria d'esti certame.

Outramiente, foi mui apreciable la presencia de zamoranos entre los ganadores: Rubén García, Miguel Gelado y María José Zurrón mostroron que la nuesa provincia ye parte activa nel desarrollu de la lliteratura n'asturllionés.


lunes, 19 de enero de 2009

II Certame Lliterariu La Caleya 2008 Reinu de Llión


El sábadu 24 a las siete la tarde será la ceremonia de proclamación de
ganadores del II Certame Lliterariu La Caleya 2008 Reinu de Llión.

L'actu tendrá llugar n'Astorga nel auditoriu del Conservatoriu
Profesional de Música "Angel Barja".

Falarán los miembros del tribunal, que son: Xuan Bello, Roberto
González-Quevedo y Héctor Xil.

Intervendrán tamién el Teniente Alcalde d'Astorga, Enrique Soto, y la
Presidenta de La Caleya, Mónica Pérez.

Los premiáos lleerán un fragmentu de la sua obra.

Álvaro S. R. interpretará dous movimientos de la Suite nu 3 de J. S.
Bach pa Violonchelo solo.

Finará l'actu cona degustación d'un vinu llionés.

Ver http://www.lacaleya.org






sábado, 3 de enero de 2009

Salíu El númeru 15 d'El Llumbreiru

Los nuesos llectores yá puen baxar esti númeru na nuesa sección "El Llumbreiru" d'esta web.

Veliquí el sou conteníu:


1. Noticias:

- "Furmientu solicita que'l llionés seyá declaráu Bien d'Interés Cultural"

- "A la venta na llibrería Semuret las últimas publicaciones en llionés"

- "I Conceyu Internacional de Llingua Asturiana"

- "Curso de asturleonés en Astorga".


2. Lliteratura n'asturllionés de Zamora:

"El malvís", por J.Alfredo Hernández.


3. Arcaísmos. Pedro Gómez.


4. Nombres de calles y plazas en leonés en la provincia de Zamora: 2. La Carballeda. J.Alfredo Hernández.