jueves, 17 de julio de 2014

Furmientu colabora na edición del cartel 'La nuesa fauna'

Furmientu,  Faceira y El Teixu editan un cartel colos nomes de los animales de Llión y Zamora en llingua llionesa.
Las asociaciones en defensa de la llingua asturllionesa Furmientu , Faceira y El Teixu editan conxuntamente el cartel “La nuesa fauna”, que recueye los nomes populares en llionés de quince de los animales más representativos de Llión y Zamora. Los carteles, que se van presentar na IV Xornada de Patrimoniu Llingüísticu y Cultural, en Villamejil (Cepeda), repartiránse de balde a las escuelas de las zonas falantes d’asturllionés, amás de ponese a la venta en llibrerías. 

La IV Xornada de Patrimoniu Llingüísticu y Cultural, qu’organizan Faceira y l’asociación Rey Ordoño I esti sábadu 19 de santamarina nel llugar cepedanu de Villamejil, contará cola presentación del cartel “La nuesa fauna”. Editada conxuntamente por Faceira, Furmientu y El Teixu, esta lámina recueye los nomes tradicionales en llionés de seis aves y nueve mamíferos característicos de la fauna de Llión y Zamora.
De la raposa a la doronciella y de la pega a la curuxa, las trés asociaciones escoyeron quince de los animales más representativos de la fauna de la zona pa representalos nesti cartel col obxectivu de que nun s’esqueizan los nomes qu’aínda tienen nas zonas falantes d’asturllionés. L’afán didácticu de la lámina vien reforzáu polas guapas ilustraciones d’Alejandro Fernández Giraldo, asina como pol fechu de que, nos casos onde ye necesario, se recueyan distintas variantes del nome.
Los carteles de “La nuesa fauna” van poder alquirise na  IV Xornada de Patrimoniu Llingüísticu y Cultural, que se celebra esti 19 de santamarina nel Ayuntamientu de Villamejil, y posteriormente en llibrerías. Amás d’ello, repartiránse de balde por escuelas de las zonas falantes d’asturllionés de Llión y Zamora, pa facilitar que los neños y neñas mantengan el contactu cola llingua tradicional.

martes, 1 de julio de 2014

Chega El Llumbreiru 37

La nuesa revista trimestral, El Llumbreiru, yá está disponible na páxina web de Furmientu. Esti númaru traye las siguientes secciones:

- Noticias

- Lliteratura n'asturllionés de Zamora: Las palabras del monte: II Primavera: L'umeiru y El lloureiru (dous poemas de Rubén García) y Os zapaticos bermellos (versión senabresa d'un cuentu d'Andersen, por Javier López).

- Breve aporte sobre la conxugación de los verbos en -iar nel llionés de Zamora

El Llumbreiru puede descargase en pdf ou lleese cola aplicación issuu.