viernes, 25 de octubre de 2013

La fala senabresa nas Xornaes internacionales d'estudiu

El próximu martes 5 de noviembre encétanse las 'XXXII Xornaes internacionales d'estudiu' organizadas pola Academia de la Llingua Asturiana.

Drento de las conferencias queremos destacar la que vai impartir Xuan Xosé Lajo baxo'l títulu 'Los pronomes personales en Senabria: formes y emplegos' que será'l xueves 7 a las 17h. Esti estudiosu de la fala senabresa yá participóu nel 2011 con outra ponencia sobre los antropónimos en Senabria y en 2012 cola que dedicóu a la presencia de plurales en -es, -en na mesma comarca.

Tódalas conferencias tendrán llugar nel Salón d'Actos de la Facultá de Filosofía y Lletras de la Universidá d'Uviéu.

El programa completu está disponible en PDF eiquí

miércoles, 23 de octubre de 2013

Númeru 34 d'El Llumbreiru


Acaba de salir un númeru ñuevu d'El Llumbreiru, el boletín trimestral de Furmientu. Esti númeru fa'l 34 de la riestra y nesta oucasión trai los siguientes trabayos y secciones:

- "Nombres de calles y barrios en leonés de la provincia de Zamora. Calles, plazas y barrios de Senabria (1ª parte)". Artículo de J. Alfredo Hernández


- Lliteratura n'asturllionés de Zamora: "A Capiruchica Bermella" de Charles Perrault. Versión en senabrés de J.Alfredo Hernández.


 -VIII y última edición del "Concurso de vocabularios tradicionales de Zamora.

- Noticias: Furmientu y outras asociaciones solicitan a las Cortes que se desenvuelvan la enseñanza y protección del llionés.

- Sopas de lletras.


 Calcái eiquí pa lleelu:

PDF: http://www.furmientu.org/01Documentos/99999999992Elllumbreiru34.pdf

ISSUU: http://issuu.com/furmientu