martes, 10 de noviembre de 2009

El leonés en el siglo XXI (Un romance milenario ante el reto de su normalización)


Esti llibru, editáu por José Ramón Morala, catedráticu de Llengua Española na Universidá de Llión, recuéi las actas del simposiu que con el mesmu títulu tuvo llugar en Llión los días 6 y 7 de mayu de 2008, organizáu pola Universidá de Llión y pol Institutu Castellanu y Llionés de la Llengua. Esti simposiu, con el fin d'analizar el papel que puede xugar el llionés nel sigru XXI y cuál puede ser la sua presencia na sociedá actual, axuntóu a expertos nos problemas de normalización llingüística; a especialistas que participonen en procesos semeyaos de recuperación de llenguas n'áreas cercanas -y non sólo desde'l puntu de vista xeográficu- como'l mirandés, l'esturianu o'l gallegu; a algunos de los llingüístas que conocen meyor la realidá actual del llionés; y tamién houbo llugar pa que los representantes de las principales asociaciones culturales zamoranas y llionesas que tienen entre los sous fines l' usu y promoción del llionés, mostraran las suas ideyas al respectu.

El resultáu ye una guía fundamental pa tódolos interesaos nel procesu que debería abrirse na nuesa sociedá con el reciente reconocimientu oficial que se da a esta llengua nel artículu 5.1 del Estatutu, nos términos siguientes: <<El llionés será exetu de protección específica por parte de las instituciones pol sou particular valor dientro del patrimoniu llingüísticu de la Comunidá. La sua protección, usu y promoción serán exetu de regulación>>. Y, d'eigual maneira, ye una ferramienta imprescindible pa todos aqueillos que desde l'alministración tienen la obrigación de poner en marcha dicho procesu y pa los axentes sociales que van participar nél.

3 comentarios:

OxCaR dijo...

¿Donde puedo adquirir un ejemplar de este libro?

Carbayeda dijo...

You atopelu na "Libreia Pastor" de la ciudá de Lleón, tamien poue pidise por internet na sua páxina: http://www.libreriapastor.es/

Pedro dijo...

Yo lo he comprado en Semuret, en Zamora. Me lo tuvieron que pedir, pero en 3 o 4 días lo tuve.