martes, 10 de noviembre de 2009

La Xunta de Castilla y Llión sigue sin facer nada por cumprir l'Estatutu

Despuéis de que'l Procurador del Común diera la razón a Furmientu na queixa que la nuesa asociación presentara pola falta de desarrollu del artículu 5.2 del Estatutu (el que di << El llionés será exetu de protección específica por parte de las instituciones pol sou particular valor dientro del patrimoniu llingüísticu de la Comunidá. La sua protección, usu y promoción serán exetu de regulación>>) el titular d'esta institución de la nuesa Comunidá Autónoma remitíu en mayu d'estiañu a las Conseyerías d'Educación y Cultura una resolución instándolas a poner en práctica las acciones percisas pal sou cumprimientu. Ante l'ausencia de respuesta, envióula dues veces más, nel mes de setiembre y a finales d'outubre, con eigual resultáu negativu.

Furmientu agradez l'interés mostráu pol Procurador del Común y el sou celu nel desempeñu de la sua función. De la mesma maneira, quier denunciar l'actitú inxustificable de l'alministración autonómica que sigue xorda ante lo que ye un imperativu llegal aprobáu polas nuesas Cortes y una creciente demanda social.

No hay comentarios: