L'óutor sábadu, 28 de marzu, tuvo llugar la primera de las conferencias de las VII Xornadas de Cultura Tradicional de Zamora, organizadas pola Asociación Cultural Furmientu y que nesta ocasión están dedicadas a la llengua llionesa. La conferencia, titulada " La protección, fomento del usu y promoción del llionés pola Alministración Autonómica", púsola'l xurista Nicolás Bartolomé Pérez, qu'analizóu la situación llegal d'esta llengua na nuesa Comunidá Autónoma, despuéis del sou reconocimientu nel recién reformáu Estatutu d'Autonomía. Bartolomé Pérez amentóu lo óutor de la llexislación qu'ampara al llionés (Constitución Española y Carta Europea de las Llenguas Rexonales), encalcando la falta d'iniciativas por parte de la Xunta pa facer efectiva la súa protección, fomentu del sou usu y promoción, como recuéi l'artículu 5.2 del Estatutu.
Por esta rezón, Furmientu presentóu vai pouco una queixa delantre del Procurador del Común de Castilla y Llión, pidiéndole que reclame a las conseyerías competentes tomar mididas que garanticen el cumprimientu del Estatutu y lo óutor de la llexislación aplicable a la llengua llionesa.
Segunda xornada
El llionés ou asturllionés ye -xunto al castellanu y al gallegu- una de las llenguas tradicionales de las provincias de Llión y Zamora, aínda falada nel sieglu XX en buena parte del occidente zamoranu y norte y oeste de Llión. Nestas tierras recibe nomes llocales como los de senabrés, cabreirés, bercianu, pal.luezu ou alistanu. Pa falar d'estas variedades y la súa relación con outras del mesmo ámbitu llingüísticu vai cuntase na segunda conferencia, el sábadu 4 d'abril, col llingüista y profesor de la Universidá d' Uviedu Fernando Álvarez- Balbuena, cola conferencia que lleva por títulu "Las falas zamoranas y llionesas nel conxuntu del dominiu asturllionés".
No hay comentarios:
Publicar un comentario