miércoles, 28 de abril de 2010

Nicolás Bartolomé Pérez, ñuevu miembru de l'Academia de la Llingua Asturiana


El xurista, escritor, investigador de la cultura tradicional y miembru de Furmientu, Nicolás Bartolomé Pérez, foi nomáu miembru de l'Academia de la Llingua Asturiana (ALlA).

Nos sous trabayos destacan el llibru "Filandón, lliteratura popular llionesa", (Ed. O Limaco Eidizions) “El asturleonés hoy en León y Zamora” y “El folklore relacionado con la basílica paleocristiana de Marialba de la Ribera (León)”, dambos publicaos na Revista de Folklore, dalgunos artículos na revista Lletres Asturianes cumo "Ente Asturies y Miranda. La recuperación de la llingua en Lleón y Zamora" o “El Derechu del Reinu de Lleón nel sieglu XIII: fontes, lliteratura xurídica y llingua”, asina cumo la súa participación nas Xornadas de Cultura Tradicional de Zamora qu'organiza la nuesa asociación y outras xornadas y conferencias por todu'l dominiu llingüísticu asturllionés. Anguaño, participa cumo profesor nel Cursu de recoyida de la tradición oral organizáu pola asociación El Teixu xunta col Ayuntamientu de Llión y ye miembru del conseyu de redacción de la revista Faceira.

Furmientu quier dar-le la norabuena pol sou nomamientu y por todu'l gran trabayu que ficio na súa trayectoria pola conservación y dignificación del llionés.

2 comentarios:

Anónimo dijo...

Con Nicolás Bartolomé yá son dous los llioneses na ALLA. Norabuena y a siguir trabayando pola llingua, dende Asturias a Miranda.

Anónimo dijo...

Técnicamente hai outru académicu más: Felipe Prieto García naciéu en Zamora. Son trés.