lunes, 16 de abril de 2007

FURMIENTU NEL II ALCUENTRU D’ESCRITORES N’ASTURLLIONÉS OCCIDENTAL EN CANGAS DE NARCEA (ASTURIAS)

Jueves, 28 Diciembre 2006

Los diés 1, 2 y 3 de Diciembre celebróuse esti interesante eventu nel Teatru Toreno de la villa del Narcea, con una gran participación d’escritores, estudiosos y defensores de la llengua asturllionesa –llionesa ou asturiana-. Foi abondante la representación de zamoranos y llioneses, entre ellos seis miembros de FURMIENTU.


Esta segunda edición tuvo organizada pola Xunta pola Defensa de la Llingua, el Conceyu de Cangas y el Principáu d’Asturies, y cona collaboración de l’asociación El Teixu. El programa incluyóu tres conferencias, cinco comunicaciones y dúas mesas redondas, tratando y analizando diferientes custiones sobre llengua y lliteratura.

Nesta ocasión el tema eixe de las xornadas foi la tradición oral y la súa interacción cona lliteratura escrita.Pa nosoutros foi una buena oportunidá pal intercambiu d’esperiencias y pa comprobar personalmente la reconocencia que tien el llabor de FURMIENTU fuera de las lliendes provinciales. La escena que meyor reflexa esta idea foi la de los asistentes al alcuentru lleendo EL LLUMBREIRU entre conferencia y conferencia.





Na foto, Héctor García Xil y Fernando Álvarez-Balbuena, a lo llargo de la ponencia titulada La deturpación de la l.lingua en Cuentos del Sil ou el llïonés (sic) cumo artefactu políticu ya identitariu. Nella, el filólugu llionés Héctor García fizo una acertada crítica a l’usu políticu que faen de la llengua asturllionesa dalgunos grupos y partíos políticos en Llión y Zamora.

No hay comentarios: