viernes, 23 de octubre de 2020

Música en senabrés: "El que conoz a tierra"

Dexámovos eiquí una canción en senabrés chamada "El que conoz a tierra", feita por Carla Armas y Rubén García. Esperamos que vos guste: 

Y eiquí tenedes la lletra de la canción:  


El que conoz a tierra (Rubén García)


Cuando’l cielu se vista d’esturninos

y das llouxas asciendan os fumeiros,

cuando a ñeve visite el alta llomba

y amenacen os días del iviernu,


cuando’l monte s’escuenda tres a ñubre

y da vista s’oculte l’aveséu,

cuando as ñebras abracen a vallina

y as solombras os días fagan prietos,


nun me busques nos cielos elevaos

nin tampouco da sierra no cumbreiru,

nun seréi peiña altiva na montaña

nin testeiru crisáu que mira al cielu.


Cuando’l fríu recuerra l’anchu valle

y castigue’l couriscu a os peñeos

Cuando l’aire cenceñe el esperanza

conxelada pol últimu relentu,


nun me busques nos cielos elevaos

nin tampouco da sierra no cumbreiru,

nun seréi peiña altiva na montaña

nin testeiru crisáu que mira al cielu.


Estaréi, das malladas, na más viella,

durmiréi xunta’l pía d’un carballu,

el que tien el tueru paciente y sabiu,

porque esi ye

el que conoz a tierra.

No hay comentarios: