miércoles, 31 de marzo de 2010

Cursu de Recoyida de la Tradición Oral




Ayere pola mañana presentóuse oficialmente en Llión el I Cursu de Recoyida de la Tradición Oral, qu'está organizáu pola asociación El Teixu y pola Conceyalía de Cultura del Ayuntamientu de Llión, y que vai facese en Llión los días 10, 11, 17 y 18 d'abril y 22 y 23 de mayu d'iguaño.

Las materias teóricas del cursu van ser las siguientes:

- Pautas de deturpación de la toponimia tradicional [2 horas]

- Lliteratura de tradición oral en Llión [4 horas]

- Pervivencia de la cultura tradicional na actualidá [2 horas]

- Nociones básicas de dialectoloxía asturllionesa [4 horas]

- El diseñu de la investigación de campu: obxectivos, preparación del cuestionariu y tratamientu de los datos [2 horas]

- Metodoloxía de la encuesta llingüística de campu [2 horas]

- Metodoloxía de la encuesta de campu n'etnomusicoloxía y lliteratura oral [2 horas]

- Panorama históricu de los trabayos llingüísticos de campu en Llión y Asturias [2 horas]

Las materias prácticas del cursu van ser estas (cada alumnu tendrá qu'escoyer dúas d'entre estas cuatro):


- Recoyida de lliteratura oral nel suroccidente de Llión: Cabreira y La Valduerna [10 horas]

- Una encuesta etnomusicolóxica na montaña central de Llión: de La Tercia a Babia [10 horas]

- Trazar una isoglosa: los límites llingüísticos l.luna / lluna y pacha / paya na comarca d'Oumaña [10 horas]

- Llevantamientu de la toponimia mayor del cuadrante noroccidental de la provincia de Llión [10 horas]


Pa informase y matriculase podedes pasar pola Conceyalía de Cultura de Llión (Plaza San Marcelo, s/n, planta baxa), chamar al númaru 987 87 83 49 n'horas d'oficina, ou escribir a las señas electrónicas info.elteixu@gmail.com. El prazu de matriculación está abiertu del 5 al 9 d'abril. El preciu de la matrícula yía de 10 € y'l cursu almite un númaru máximu de 25 alumnos.

L'equipu docente está dirixíu pol profesor de filoloxía de la Universidá d'Uvieo Fernando Álvarez-Balbuena y está formáu por un total de seis profesores con probada experiencia nel trabayu de campu y nel estudiu de la llengua y la cultura populares de Llión y Asturias.

No hay comentarios: