El Llumbreiru 39

Esti nuevu númaru de la revista trimestral de Furmientu sobre'l patrimoniu llingüísticu de Zamora vien colos siguientes conteníos:

- De llenguas y fronteiras. Nesti textu reproduzse la comunicación qu'impartíu Fernando Álvarez-Balbuena nel VII Ancontro de Blogueiros de l Praino, celebráu'l 16 d'agostu de 2014 en Cicuiru (Miranda del Douro).

- Actualidá:

+ XIII Xornadas de Cultura Tradicional de Zamora

+ Estudios sobre'l senabrés de Xuan Xosé Lajo

+ Chubida una conferencia á páxina web de Furmientu

+ Certame Lliterariu en llionés

+ Publícase una novela con diálogos en senabrés

+ El Teixu, Furmientu y Faceira denuncian nel Conseyu d'Europa l'incumprimientu del tratáu internacional que protexe la llingua llionesa


Pa tódolos interesaos, El Llumbreiru puede descargase en pdf ou cola aplicación issuu:

http://www.furmientu.org/llumbreira.htm

http://issuu.com/furmientu/docs/99999999998elllumbreiru39

XIII Jornadas de Cultura Tradicional de Furmientu

Fiel a su cita anual con la cultura tradicional de la provincia de Zamora, Furmientu organiza las XIII Jornadas de Cultura Tradicional. En esta edición están compuestas por cuatro atractivas conferencias que tendrán lugar en la Biblioteca Publica de Zamora del 20 al 23 de enero a las 19:30h.

* 20 de enero: Madre tierra, lenguas madre: Reconectar o desaparecer, Concha López Llamas.

* 21 de enero: Barcas de paso en los ríos de Zamora: Duero, Esla, Órbigo, Tera y Tormes, José Ignacio Martín Benito.

* 22 de enero: Leonés y castellano en la toponimia menor alistana del Catastro de Ensenada, Pedro Gómez Turiel.

* 23 de enero: Dos proyectos de la Asociación Faceira: Xurdir. Guía gramatical de leonés y Diccionariu Llionés, Ricardo Chao Prieto.

La asistencia a las conferencias es libre.

Un relato en sanabrés es premiado en el CEIP de El Puente de Sanabria

La escritora de origen sanabrés María José Zurrón ha sido premiada con el primer premio del II Concurso de Cuentos "CEIP Monte Gándara" de El Puente de Sanabria, con un relato corto escrito en castellano y sanabrés titulado El Tesoro. 

Para Furmientu es una excelente noticia que la obra de una sanabresa, escrita en el habla tradicional, sea galardonada en un concurso de Sanabria. Es un pequeño paso más en la dignificación y recuperación del habla patrimonial de la comarca.

El relato puede leerse en el siguiente enlace: 

http://ceipmontegandara.centros.educa.jcyl.es/sitio/upload/II_Concurso_de_cuentos.pdf

EL TEIXU, FURMIENTU Y FACEIRA DENUNCIAN NEL CONSEYU D’EUROPA L’INCUMPRIMIENTU DEL TRATÁU INTERNACIONAL QUE PROTEXE LA LLINGUA LLIONESA

L’ESTÁU ESPAÑOL Y LA XUNTA DE CASTIELLA Y LLIÓN VULNERAN LA CARTA EUROPEA DE LAS LLINGUAS REXONALES OU MINORITARIAS

Las asociaciones en defensa de la llingua llionesa El Teixu, Furmientu y Faceira denuncian nun informe al Conseyu d’Europa que tanto l’Estáu Español como la Xunta de Castiella y Llión incumpren la Carta Europea de las Llinguas Rexonales ou Minoritarias. Dambas alministraciones non solo nun realizoron actividades de promoción del llionés, senón que nin siquiera ufrioron información sobre la situación de la llingua, eliminándola asina de maneira unillateral y illegal del ámbitu de protección del tratáu.

Las asociaciones en defensa de la llingua llionesa El Teixu, Furmientu y Faceira acaban de presentar al Conseyu d’Europa un informe no que se denuncia tanto al Estáu Español cumo a la Xunta de Castiella y Llión por incumprir la obrigación de protección del llionés asumida por España al subscribir no 2001 la Carta Europea de las Llinguas Rexonales ou Minoritarias. Acusan tamién al Estáu y a la Comunidá Autónoma de facer casu omisu de las recomendaciones del Conseyu d’Europa emitidas en 2012, nas qu’esta organización internacional reclamaba actuaciones concretas de promoción del idioma llionés y la sua introducción no sistema educativu.

El Conseyu d’Europa solicitóu, amás, más información a las autoridades estatales y autonómicas sobre la protección del llionés, petición d’información que las autoridades negoron a esta organización internacional, dao que’l 9 de mayu del 2014 se fexo públicu por parte del Reinu d’España’l Cuartu informe sobre’l cumprimientu n’España de la Carta Europea de las Llinguas Rexonales ou Minoritarias, del Conseyu d’Europa, y no mesmu hai una ausencia total de referencias al llionés cumo llingua protexida pola Carta Europea. Esto supón un gravísimu incumprimientu por parte de la Comunidá Autónoma de Castiella y Llión y del Estáu Español de la Carta Europea de las Llinguas Rexonales ou Minoritarias del Conseyu d’Europa, pues de tódalas comunidades autónomas con llinguas propias diferentes del castellanu namás Castiella y Llión recusóu dar información sobre la realidá llingüística.

Amás d’ello, l’Asociación Cultural Faceira, exercitando el dereitu de petición, solicitóu formalmente en sanxuán del 2014 a la Dirección Xeneral de Coordinación de Competencias conas Comunidades Autónomas y las Entidades Locales del Ministeriu d’Alministraciones Públicas, al emparu del artículu 29 de la Constitución Española y de la Llei Orgánica 4/2001, del 12 de noviembre, reguladora del Dereitu de Petición, que se complementara l’informe español conos datos relativos al llionés, petición que nun foi nin atendida nin contestada, vulnerando asina esti dereitu constitucional, lo que demuestra la nula voluntá del Estáu d’asumir las suas obrigaciones internacionales en relación cona aplicación de la Carta al llionés.

L’Estáu Español, garante postreiru de l’aplicación de la Carta n’España a las llinguas protexidas, cumo ye’l casu de la llionesa, en sintonía directa cona Xunta de Castiella y Llión que nun cumpre tampouco’l mandáu estatutariu de protección y promoción del llionés recoyíu nel artículu 5.2 del Estatutu d’Autonomía, eliminóu de maneira unillateral y illegal la llingua llionesa del ámbitu de protección d’esti tratáu internacional d’ámbitu européu.

Subscriben esta nota las siguientes asociaciones en defensa de la llingua llionesa: El Teixu (Asturias, Llión, Zamora y Bregancia), Furmientu (Zamora) y Faceira (Llión).

Sal El Llumbreiru 38

La nueva edición de la nuesa revista trimestral yá está disponible na rede. Los conteníos del númaru 38 son estos:

- Desinencias volanderas: La flexión de género y número en apellidos de Zamora, de Pascual Riesco Chueca (Universidad de Sevilla).

-Actualidá: 

* Furmientu colabora na edición del cartel 'La nuesa fauna' 

* Carlos Coca actualizóu'l sou vocabulariu de Palacios del Pan

* IV Xornada de Patrimoniu Llingüísticu y VII Ancontro de Blogueiros de l Praino

* El Teixu continúa pol Bierciu y L.laciana la campaña 'Na llingua de casa'

* La comunidá d'usuarios de wikipedia n'asturianu cumpre díaz años

http://www.furmientu.org/llumbreira.htm

Esisten dúas versiones dixitales: en pdf y  n'issuu.

Furmientu quier recordar qu'El Llumbreiru ye gratuitu, pero puede colaborase económicamente na sua edición faciéndose soscriptor y asina recibir en casa la versión en papel.

Furmientu colabora na edición del cartel 'La nuesa fauna'

Furmientu,  Faceira y El Teixu editan un cartel colos nomes de los animales de Llión y Zamora en llingua llionesa.

Las asociaciones en defensa de la llingua asturllionesa Furmientu , Faceira y El Teixu editan conxuntamente el cartel “La nuesa fauna”, que recueye los nomes populares en llionés de quince de los animales más representativos de Llión y Zamora. Los carteles, que se van presentar na IV Xornada de Patrimoniu Llingüísticu y Cultural, en Villamejil (Cepeda), repartiránse de balde a las escuelas de las zonas falantes d’asturllionés, amás de ponese a la venta en llibrerías. 

La IV Xornada de Patrimoniu Llingüísticu y Cultural, qu’organizan Faceira y l’asociación Rey Ordoño I esti sábadu 19 de santamarina nel llugar cepedanu de Villamejil, contará cola presentación del cartel “La nuesa fauna”. Editada conxuntamente por Faceira, Furmientu y El Teixu, esta lámina recueye los nomes tradicionales en llionés de seis aves y nueve mamíferos característicos de la fauna de Llión y Zamora.

De la raposa a la doronciella y de la pega a la curuxa, las trés asociaciones escoyeron quince de los animales más representativos de la fauna de la zona pa representalos nesti cartel col obxectivu de que nun s’esqueizan los nomes qu’aínda tienen nas zonas falantes d’asturllionés. L’afán didácticu de la lámina vien reforzáu polas guapas ilustraciones d’Alejandro Fernández Giraldo, asina como pol fechu de que, nos casos onde ye necesario, se recueyan distintas variantes del nome.

Los carteles de “La nuesa fauna” van poder alquirise na  IV Xornada de Patrimoniu Llingüísticu y Cultural, que se celebra esti 19 de santamarina nel Ayuntamientu de Villamejil, y posteriormente en llibrerías. Amás d’ello, repartiránse de balde por escuelas de las zonas falantes d’asturllionés de Llión y Zamora, pa facilitar que los neños y neñas mantengan el contactu cola llingua tradicional.

Chega El Llumbreiru 37

La nuesa revista trimestral, El Llumbreiru, yá está disponible na páxina web de Furmientu. Esti númaru traye las siguientes secciones:

- Noticias

- Lliteratura n'asturllionés de Zamora: Las palabras del monte: II Primavera: L'umeiru y El lloureiru (dous poemas de Rubén García) y Os zapaticos bermellos (versión senabresa d'un cuentu d'Andersen, por Javier López).

- Breve aporte sobre la conxugación de los verbos en -iar nel llionés de Zamora

El Llumbreiru puede descargase en pdf ou lleese cola aplicación issuu.